ACHEL Alejandro and Vina Morales have one thing in common. Bukod, of course, sa pareho silang sexy at magagaling na singers, they are currently both loveless.
 
Pero 'di ito nangangahulugang 'di pa naranasan ng dalawa ang magmahal, mahalin at masaktan dahil sa pag-ibig.
 
For example, sa kaso ni Rachel, twice na siyang nagmahal at twice ring nabigo.
 
It's common knowledge na naka-on ni Rachel si Dingdong Avanzado, now the husband of fellow singer, Jessa Zaragoza (may isa na silang anak, si Jayda).
 
For four years ba? 'Di na matandaan ni Rachel, sa totoo lang.
 
"Napakabata ko pa nu'ng panahong iyon," pag-amin niya. "Ewan kung saan nauwi ang pagmamahalan namin  ni Dingdong kung, halimbawang, nagtagpo ang aming landas sa panahong pareho na kaming matured."
 
Ang second lalaki na pumasok sa buhay ni Rachel ay si Lee Robin Salazar, dancer-turned-recording artist. But they were mismatched from the beginning. Alam ito ni Rachel.
 
"But when you are in love," aniya. "Wala kang iisipin kung hindi ang minamahal mo lamang."

* * *

Noong young pa raw siya, kung kani-kaninong kapuwa niya artista na-link si Vina. Nandiyan si Keempee de Leon, for example, at si Robin Padilla, who even served as her escort sa kanyang debut many years ago.
 
But true love came her way when she turned some years older. Walang maniwalang 'di sina Vina at Bukidnon Congressman Miguel Zuburi ang magkakatuluyan. They didn't only look good together, kitang-kita rin kung gaano nila kamahal ang isa't isa.
 
Vina believes, though, that they were not really meant for each other. Nag-break sila at ngayon, she's just happy that Cong. Miguel has married the woman of his dreams.
 
"I guess, darating at darating din ang lalaking tama para sa iyo. Hihintayin ko na lamang siya, kung sinuman siya," pahayag ni Vina, na walang ka-trace-trace of bitterness, kahit pa ang lalaking dumating sa kanyang buhay, after Cong. Miguel, si Roy Ofek, ay married na rin sa dating bold star na si Angela Velez. May anak na rin ang dalawa.
 
Sa ngayon, parehong may umaali-aligid sa kanila ni Rachel. How this will end, ayaw muna nilang bigyang pansin. Mas mabuti raw that they leave everything to fate.

* * *

Rachel and Vina, together with Geneva Cruz, na in love na in love pa rin kay KC Montero (seven years na raw sila), are featured in a concert at the Music Museum on February 10, 11 and 13, 9 p.m.
 
Titled How to Get the Guy, they will have for special guests Derek Ramsey (Feb. 10); Luis Alandy (Feb. 11) and Jay-R (Feb. 13).
 
Written and directed by Floy Quintos (na siya ring director ng Startalk on GMA-7), the concert will be staged like a love party with 21 showstoppers.
 
The trio will sing songs about heartbreak, finding love and love overcoming all obstacles. The concert will also be a showcase of their vocal and terpsichorean skills.
 
Tinanong namin sina Rachel at Vina kung manonood ba ng concert ang kani-kanilang suitors. 'Di raw nila sigurado, lalo na si Vina, na ang manliligaw ay 'di lang isang foreigner, kundi naka-base pa sa Australia .
 
How to Get the Guy is sponsored by Ever Bilena, Bioessence, Shopwise, Triumph, San Miguel, Swatch, Tokyo Tokyo and Smart.

* * *

TULUY-TULOY pa rin ang promo ni Ara Mina for her new album specially next month.
 
Ilu-launch na ang  kanyang album sa SOP and then magsisimula na siya sa kanyang mall tour sa Robinson's Novaliches at Robinson's Ermits. Both shows, guest niya si Joe D Mango. Susundan  ito ng mga out of town sa Sta. Rosa, Metro East, Cebu at Imus.
 
After being so busy with so many shows and mo-vies, ngayon lang  free si Ara to do a follow up of her 2nd album na kung hindi kami nagkakamali ay may titulong Ay Ay Pagibig. Bubble Gang lang ngayon ang ginagawa niya, so, marami na siyang oras para masundan ang kanyang album and we have always known na first love  niya talaga  ang singing. Bukod dito, abala rin siya sa kaniyang mga businesses like ang restaurants niyang Osteria and Bubble Gang Toppings. May isa pa siyang business pero di namin alam kung puwede nang isulat but it's about commercials.

- -